ოპოზიცია ერთიანდება - ქართული ოცნების პოლიტიკურმა გადაწყვეტილებამ ხელისუფლების ოპონენტები იძულებული გახადა ერთი მიზნისთვის გაერთიანებულიყვნენ. პროდასავლური პარტიები პარლამენტში და მის გარეთ საჯაროდ აცხადებენ, რომ არ დაუშვებენ რუსული კანონის მიღებას. სამოქალაქო საზოგადოებამ, პოლიტიკოსებთან ერთად შესაბამისი კამპანიაც წამოიწყო - აქტივისტები ყველასთვის გასაგებ ენაზე განმარტავენ თუ რატომ არის ეს ქართული ოცნების კანონი სწორედ რუსული და რა საფრთხეებს შეიცავს ის საქართველოს რეფორმირებისა და ევროპული მომავლისთვის.
