"მალე დატოვებს საპატიმროს" | სამტრედიაში, ქმრის მკვლელობის ბრალდებით დაკავებულ ქალს, ბრალი გადაუკვალიფიცირდა

სამტრედიაში, ქმრის მკვლელობაში ბრალდებულ ქალს, ბრალი გადაუკვალიფიცირეს. როგორც ადვოკატი, მაგდა კოტრიკაძე წერს, ნატო ხელაძეს სსკ - ის 109- ე მუხლით წარდგენილი  მძიმე ბრალდება მოეხსნა და სსკ-ის 370- ე მუხლით გადაუკვალიფიცირდა, რაც ცრუ ინფორმაციის მიწოდებას გულისხმობს. 

მისივე ინფორმაციით, დაკავებული საპატიმროს მალე დატოვებს.

"მეგობრებო,ვსაუბრობ სამტრედიაში მომხდარ მკვლელობაზე, სადაც უდანაშაულო ქალი დააკავეს ქმრის მკვლელობის ბრალდებით და სინამდვილეში მკვლელი ბრალდებულის  ძმა აღმოჩნდა.
გუშინ, ქუთაისის საქალაქო სასამართლოს მოსამართლემ - თათია გოგოლაურმა,პირველი წარდგენის ღია სასამართლო სხდომაზე განიხილა , იმერეთის პროკურორის რევაზ თოფურიას შუამდგომლობა, სადაც ბრალდების მხარე ნატო ხელაძის მიმართ ,ითხოვდა პატიმრობის გამოყენებას. საქმე ეხება სამტრედიაში  დაკავებულ ქალს, რომელსაც ქმრის მკვლელობას აბრალებდნენ და ბრალი წარედგინა სსკ-ის 109- ე მუხლით, რაც  გულისხმობს განზრახ მკვლელობას დამამძიმებელ გარემოებაში და 16- დან 20 წლამდე ან უვადო თავისუფლების აღკვეთას ითვალისწინებს.მე რა თქმა უნდა არ დავეთანხმე პროკურორის შუამდგომლობას და ვითხოვდი , რომ არცერთი სახის აღკვეთი ღონისძიება არ ყოფილიყო გამოყენებული , ვინაიდან არ არსებობდა საქმეში არანაირი მტკიცებულება , რაც ბრალდებულის ბრალეულობას დაადასტურებდა,მაგრამ ,,მოსამართლემ" ჩათვალა, რომ არსებობს დასაბუთებული ვარაუდიო რომ ბრალდებული მიიმალება ან არ გამოცხადდება სასამართლოშიო და გაანადგურებს მტკიცებულებებსო .

შემირცხვენია თათია გოგოლაურის სამართალი და მისი გონივრულ ეჭვს მიღმა სტანდარტი....
მე მაჩერებდა და შენიშვნას მაძლევდა დაბალ ტონალობაში და აუღელვებლად მესაუბრა, მაშინ როდესაც ვცდილობდი დამერწმუნებინა მოსამართლე ბრალდებულის უდანაშაულობაში და მტკიცებულების არარსებობაში, მაგრამ ამაოდ. 

მიუხედავად დაცვის მხარის დიდი წინააღმდეგობისა , მაინც პატიმრობა გამოიყენა და ეს საცოდავი გოგო, რომელსაც არ მოუკლავს მისი ქმარი, არის შშმ პირი, აქვს მენტალური 
ჯანმრთელობის პრობლემები , არ იცის წერა კითხვა და ასევე ვერ გეტყვის რამდენი წლისაა პატიმრობა გამოიყენა იმ მიზნით , რომ აღიკვეთოს მისი შემდგომი დანაშაულებრივი საქმიანობაო , 
ხოლო ბრალდების მხარე, რომ დარწმუნდა , რომ ამ საქმეს დიდი ანგარიშით წააგებდნენ ნაფიც მსაჯულთა სასამართლოზე, დღეს წარდგენილი ბრალდება შეუცვალეს და ახლა მხოლოდ ცრუ  ჩვენებას ედავებიან ,ანუ რატომ თქვიო რომ მე მოვკალიო.

ასე ,,გამოიძია" იმერეთის სამხარეომ მკვლელობის საქმე, პროკურორის რეზო თოფურიას ზედამხედველობით და სამართლიანი მოსამართლის თათია გოგოლაურის გადაწყვეტილებით უდანაშაულო ადამიანი პატიმრობაში აიყვანეს!!
ნატო ხელაძე მალე დატოვებს საპატიმროს !" წერს ადვოკატი.

ბრალდებულ ნატო ხელაძეს მოსამართლემ აღკვეთის სახით წინასწარი პატიმრობა გუშინ, 4 აპრილს შეუფარდა. ქალმა სასამართლო პროცესზე განაცხადა, რომ მას ქმარი არ მოუკლავს და დანაშაული მისმა ძმამ ჩაიდინა.

მკვლელობა სამტრედიაში 2 აპრილს მოხდა.