რუსული კანონის მიღება რეაგირების გარეშე არ დარჩება. საქართველოს მთავარი მეგობრები "ქართულ ოცნებას" აფრთხილებენ და კატეგორიულად არ ურჩევენ ევროინტეგრაციის გზიდან გადახვევას. თუმცა თბილისში ამ გაფრთხილებას არ იმჩნევენ. არც მთავრობის და არც მმართველი პარტიის მეთაურები სახელმწიფო დეპარტამენტის გზავნილებზე განმარტებებს არ აკეთებენ. უფრო მეტიც - ფაქტობრივად სრულიად გასაიდუმლოებულია ირაკლი ღარიბაშვილისა და რობინ დანიგანის გუშინდელი შეხვედრის შინაარსი, თუმცა, დიდი ალბათობით, საუბარი სწორედ რუსული კანონის მიღებასა და მოსალოდნელ შედეგებს შეეხებოდა.
