ISSA-ის კვლევა: საზოგადოების 63.5%-ის აზრით, 2024 წლის არჩევნების შედეგად ხელისუფლება კოალიციური უნდა იყოს
გამოქვეყნდა:
საზოგადოებრივი აზრის გამოკითხვა "მთავარი არხის" დაკვეთით, "სოციალური კვლევისა და ანალიზის ინსტიტუტმა "(ISSA) ჩაატარა.
რამდენად ეთანხმებით, რომ მნიშვნელოვანია, 2024 წლის არჩევნების შედეგად ხელისუფლება იყოს კოალიციური? - ამ კითხვაზე გამოკითხვის შედეგები ასე გადანაწილდა:
- არ ვეთანხმები - 13.1%
- თანაბრად ვეთანხმები და არც ვეთანხმები - 16.3%
- ვეთანხმები - 63.5%
- არ ვიცი / უარი პასუხზე - 7.0%.
რუსული კანონის შესახებ კითხვა კვლევაში არ არის, რადგან კვლევის მიმდინარეობისას ის დაინიცირებული არ ყოფილა.
ცნობისთვის, საზოგადოებრივი აზრის გამოკითხვა ჩატარდა საქართველოს სრულწლოვან (18 წლის და მეტი ასაკის) მოსახლეობაში. გამოკითხვა ჩატარდა პირისპირ ინტერვიუს მეთოდით, საქართველოს ყველა რეგიონში (ოკუპირებული ტერიტორიების გარდა). შემთხვევითი შერჩევის წესით გამოიკითხა 1601 რესპონდენტი. კვლევა ეფუძნება ყველა გამოკითხულის აზრს. მთლიანი მოცულობისთვის შერჩევის ცდომილება შეადგენს + - 2.4%-ს, 95%-იანი სანდოობით. იმ რესპონდენტთა რაოდენობა, ვინც უარი განაცხადა კვლევაში მონაწილეობაზე, არის 20.9%. შესაბამისად, გამოპასუხების სიხშირე არის 79.1%. საველე სამუშაოები ჩატარდა 2024 წლის 1 - 10 აპრილის შუალედში.
