"ეს კანონი შეეხება თითოეულ მოქალაქეს... ის საქართველოს EU-ს დააშორებს" | Fulbright-ის სტიპენდიატები რუსულ კანონზე

აშშ-ის სახელმწიფო დეპარტამენტის სასტიპენდიო პროგრამის, Fulbright-ის მონაწილეები რუსული კანონის შესახებ განცხადებას ავრცელებენ და წერენ, რომ მისი მიღება საქართველოს ევროკავშირისგან დააშორებს. მათივე თქმით, კანონი საქართველოს თითოეულ მოქალაქეს შეეხება.

"ამ კანონის მიღება, საქართველოს დააშორებს ევროკავშირს, მაშინ როდესაც ევროკავშირის წევრობა ქართველი მოსახლეობის აბსოლუტური უმრავლესობის მკაფიო სურვილია.

ეს კანონი შეეხება საქართველოს თითოეულ მოქალაქეს, განსაკუთრებით მათ, ვისთვისაც სხვადასხვა სერვისებზე წვდომა სასიცოცხლოდ მნიშვნელოვანია. ეს ჯგუფებია, შშმ პირები, სოციალურად დაუცველები, დევნილები, ქალები, ბავშვები და  ყველა ის ჯგუფი, ვინც ორგანიზაციების დახმარებით იღებენ კრიტიკულ სერვისებს. „უცხოური გავლენის მქონე” პირად დარეგისტრირების მოთხოვნა გამოიწვევს ამ ორგანიზაციების დაფინანსების შემცირებას ან შეწყვეტას, რის შედეგადაც ბევრი ორგანიზაცია უბრალოდ შეწყვეტს არსებობას.

ამასთან, იგი მნიშვნელოვან საფრთხეს შეუქმნის მედიისა და სამოქალაქო საზოგადოების არსებობას ქვეყანაში, რაც დააზიანებს ადამიანის უფლებების დაცვას და დემოკრატიულ ფასეულობებს," - წერია განცხადებაში.

განცხადებაში ასევე ნათქვამია, რომ კანონი იმ 9 ნაბიჯს ეწინააღმდეგება, რომლის შესრულების ვალდებულებაც საქართველოს ევროკავშირის წევრი ქვეყნის კანდიდატის სტატუსის მინიჭებასთან ერთად მიეცა. სტიპენდიანტები მმართველ პარტიას მოუწოდებენ, არ მიიღოს კანონი და დარჩეს ქართველი ხალხის ევროპული არჩევანის ერთგული.

განცხადებას ხელს აწერენ:

• მარიამ პირველი, პიტსბურგის უნივერსიტეტის საერთაშორისო და შედარებითი სამართლის სამაგისტრო პროგრამა, 2023-2024 წელი;
• მარიამ ლაცაბიძე, მინესოტას უნივერსიტეტის საჯარო მმართველობის სკოლა, საჯარო პოლიტიკის პროგრამა, 2022-2024 წელი;
• თეა ნათელაური, ტულეინის უნივერსიტეტის სამედიცინო გენეტიკის და დიაგნოსტიკური გენომიკის სამაგისტრო პროგრამა, 2022-2023 წელი;
• ბექა კირტავა, კოლუმბია კოლეჯ ჩიკაგო, კინო და ტელე პროდიუსინგის სამაგისტრო პროგრამა, 2020-2022 წელი;
• მარიამ მალიძე, ვანდერბილტის უნივერსიტეტი, ფინანსების სამაგისტრო პროგრამა, 2023-2024 წელი;
• ნიკოლოზ გაჩეჩილაძე, მინესოტას უნივერსიტეტის ბიზნეს მართვის სკოლა, ბიზნეს ადმინისტრირების სამაგისტრო პროგრამა, 2023-2025 წელი;
• სოფიკო არჯევანიძე, ნორსისტერნის უნივერსიტეტი ბოსტონი, საჯარო მმართველობა, 2021-2023 წელი;
• გვანცა ნიკოლაიშვილი, ილინოისის უნივერსიტეტი ჩიკაგოში, ურბანული დაგეგმვისა და პოლიტიკის სამაგისტრო პროგრამა, 2021-2023 წელი;
• გიორგი რევიშვილი, Texas A&M უნივერსიტეტი, ჯორჯ ბუშის მმართველობისა და საჯარო სამსახურის სკოლა, საერთაშორისო ურთიერთობების/ეროვნული უსაფრთხოებისა და დიპლომატიის სამაგისტრო პროგრამა, 2022-2024 წელი;
• ელიზბარ ხვიჩია, Texas A&M უნივერსიტეტი, ჯორჯ ბუშის მმართველობისა და საჯარო სამსახურის სკოლა, საჯარო ადმინისტრირებისა და მენეჯმენტის სამაგისტრო პროგრამა, 2023-2025 წელი;
• ელენ გლაზოვა, New York Film Academy, კინოწარმოების სამაგისტრო პროგრამა, 2023 – 2025;
• ნათიკა ქანთარია, მინესოტას უნივერსიტეტი, საჯარო მმართველობის სკოლა, ადამიანის უფლებათა პროგრამა, 2022 - 2024 წელი;
• მარი ტოხოსაშვილი, ნიუ-იორკის სახელმწიფო უნივერსიტეტი- უნივერსიტეტი ბუფალოში, სამართლის სამაგისტრო პროგრამა, 2023-2024 წელი;
• მარიამ ჟორჟოლიანი, Clark University, ბიზნესის ადმინისტრირების სამაგისტრო პროგრამა, 2023-2025 წელი;
• ირაკლი მაჭარაშვილი, მისურის უნივერსიტეტი, განათლების მონაცემთა მეცნიერების სამაგისტრო პროგრამა, 2023-2025 წელი;
• ნათია ჯავახიშვილი, ორეგონის უნივერსიტეტი, ბიოლოგიის მეცნიერებათა დოქტორანტი, 2023-2028 წელი;
• სალომე სულაბერიძე, ოჰაიოს უნივერსიტეტი, კინო რეჟისურის სამაგისტრო პროგრამა, 2023-2026;
• სოფიკო ბერიაშვილი, მერილენდის უნივერსიტეტი, განათლების სკოლა, საერთაშორისო განათლების მართვის სამაგისტრო პროგრამა, 2021-2023 წელი;
• ანა მიქაძე, სირაკუსის უნივერისტეტი, მაქსველის საჯარო პოლიტიკის სკოლა, საჯარო პოლიტიკა და მონაცემთა მეცნიერეების სამაგისტრო პროგრამა, 2022-223 წელი;
• ელენა დარჯანია, აიოვას უნივერსიტეტი, ურბანული დიზაინის სამაგისტრო პროგრამა, 2015-2016 წელი;
• სალომე ბახსოლიანი, ლოიოლას უნივერსიტეტი ნიუ ორლეანში, სამართლის სამაგისტრო პროგრამა, 2022-2023 წელი;
• დემეტრე შანშიაშვილი, Rensselaer Polytechnic Institute, ნიუ იორკი, ტექნოლოგიების კომერციალიზაციისა და მეწარმეობის სამაგისტრო პროგრამა, 2019-2020;
• გიორგი გვასალია, Texas A&M University, აეროკოსმოსური ინჟინერიის სამაგისტრო პროგრამა, 2022-2024 წელი.