ცაგერში კორონავირუსით ინფიცირებულთა რაოდენობა გაიზარდა. მუნიციპალიტეტის ორ სოფელში ვირუსი 7 პაციენტს დაუფიქსირდა.
ინფიცირების წყარო ე.წ. ქორწილის კლასტერია.
შეგახსენებთ, რომ ცაგერი მწვანე ზონად ითვლებოდა, 8 სექტემბერს კი მუნიციპალიტეტში კორონავირუსის ერთდროულად 5 შემთხვევა დადასტურდა.
შეგახსენებთ, რომ ბოლო 24 საათში, საქართველოში კორონავირუსით ინფიცირების 57 ახალი შემთხვევა გამოვლინდა, რაც რეკორდული მაჩვენებელია. გამოჯანმრთელდა 9 ადამიანი.
ბოლო მონაცემებით საქართველოში:
- კორონავირუსით ინფიცირებულია - 1830
- გამოჯანმრთელებულია - 1334
- მათ შორის გარდაცვლილია - 19
- კარანტინის რეჟიმში რჩება - 5882
- სტაციონარში მეთვალყურეობის ქვეშ - 390, მათ შორის საქართველოში სამკურნალოდ გადმოყვანილია - 41 პაციენტი.
