ჩვენთან ერთად მოიპოვეთ თავისუფლება!
რუსული კანონის ავტორი ხელისუფლება "ევროპის დღეების" აღნიშვნას გეგმავს. მთავრობამ პრემიერ კობახიძის განკარგულება გაასაჯაროვა, რომლითაც ხელისუფლება ღონისძიებისთვის 600 ათას ლარს დახარჯავს. ღარიბაშვილისგან განსხვავებით, კობახიძემ პირველად გაასაჯაროვა მთავრობის დადგენილება სადაც წერია, რომ 9-16 მაისისთვის თანხა სარეზერვო ფონდიდან გამოიყო, თუმცა რაში დაიხარჯება ის, არ კონკრეტდება.
ფარისევლობა-ასე აფასებს სამოქალაქო საზოგადოება ხელისუფლების ამ გადაწყვეტილებას. ადამიანები, ვინც რუსულ კანონს აპროტესტებენ, აცხადებენ რომ "ოცნება" თავისი პოლიტიკით სულ უფრო აშორებს ქვეყანას ევროპულ პერსპექტივას, პარალელურად კი ევროპული დღეებისთვის ემზადება.
