"ენგურჰესის" 3 თანამშრომელს კორონავირუსი დაუდასტურდა.
ინფიცირებულები ოკუპირებული აფხაზეთის სოფელ საბერიოდან არიან. ისინი ზუგდიდში, რუხის ჰოსპიტალში მკურნალობენ, მათი ოჯახის წევრები კი კარანტინში გადაიყვანეს.
"ენგურჰესის" სხვა თანამშრომლებს ტესტირება ჩაუტარდათ. ამ დროისთვის, 80-მდე ნიმუშია ლუგარის ლაბორატორიაში გადაგზავნილი.
შეგახსენებთ, რომ ბოლო 24 საათში, საქართველოში კორონავირუსით ინფიცირების 57 ახალი შემთხვევა გამოვლინდა, რაც რეკორდული მაჩვენებელია. გამოჯანმრთელდა 9 ადამიანი.
ბოლო მონაცემებით საქართველოში:
- კორონავირუსით ინფიცირებულია - 1830
- გამოჯანმრთელებულია - 1334
- მათ შორის გარდაცვლილია - 19
- კარანტინის რეჟიმში რჩება - 5882
- სტაციონარში მეთვალყურეობის ქვეშ - 390, მათ შორის საქართველოში სამკურნალოდ გადმოყვანილია - 41 პაციენტი
ავტორი: ემა გოგოხია
