რუსებმა ხარკოვის ოლქში ბალაკლიას რაიონი დაბომბეს, შედეგად შვიდი ადამიანი დაშავდა. ამის შესახებ ინფორმაციას ხარკოვის ოლქის ხელმძღვანელი ოლეგ სინეგუბოვი ავრცელებს.
"ოკუპანტებმა ბალაკლიას დაარტყეს, რკინიგზის სადგურთან. დაშავდა ხუთი ადამიანი - სამი ქალი და ორი კაცი,"- განაცხადა სინეგუბოვმა, მოგვიანებით კი დაამატა, რომ დაშავებულთა რიცხვი შვიდამდე გაიზარდა. მისი ინფორმაციით ადგილზე ყველა სერვისი მუშაობს.
ბალაკლიას სამხედრო ადმინისტრაცია Telegram-ში მოსახლეობას სთხოვს, არ მიუახლოვდნენ რკინიგზის სადგურს.