ქუთაისში "ქართული ოცნების" მიერ ინიციირებული რუსული კანონპროექტი კიდევ ერთხელ გააპროტესტეს. კანონპროექტის მოწინააღმდეგეები ქალაქის ცენტრში, თეატრთან შეიკრიბნენ, შემდეგ კი მსვლელობით ბაგრატის ტაძართან გადაინაცვლეს. მათ კიდევ ერთხელ შეახსენეს ხელისუფლებას, რომ ქვეყნის მოსახლეობის აბსოლუტური უმრავლესობის არჩევანი ევროპაა. ისინი რუსული კანონის უკან გაწვევას მოითხოვენ.
