ტელეკომპანია "რუსთავი 2"-ის ჟურნალისტს კორონავირუსი დაუდასტურდა. ამის შესახებ ინფორმაციას ტელევიზია ადასტურებს.
მათი განცხადებით, ინფიცირებული საინფორმაციო გამოშვება "კურიერის" ერთ-ერთი ჟურნალისტია.
შეგახსენებთ, რომ 9 სექტემბერს, "ტვ პირველის" ჟურნალისტს, ვიკა ბუკიას კორონავირუსი დაუდასტურდა. ინფიცირებულია მისი მეუღლეც, დეპუტატი ლევან გოგიჩაიშვილი.
ბოლო მონაცემებით საქართველოში:
- კორონავირუსით ინფიცირებულია - 1 917;
- გამოჯანმრთელებულია - 1 354;
- მათ შორის გარდაცვლილია - 19;
- კარანტინის რეჟიმში რჩება - 5 882;
- სტაციონარში მეთვალყურეობის ქვეშ - 390, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსის შემთხვევათა რაოდენობამ 28 მილიონს გადააჭარბა.
