"არა რუსულ კანონს! ვერ შეგვაშინებთ! | 19:00 საათზე თბილისში სტუდენტური მარში გაიმართება
გამოქვეყნდა:
სტუდენტური მარში - რუსული კანონის გასაპროტესტებლად დღეს, 7 საათზე, სტუდენტები რუსთაველის მეტროსთან შეიკრიბებიან და პარლამენტთან მსვლელობით გადაინაცვლებენ.
"დღეს, საქართველოში არსებული, სახელმწიფო და კერძო უნივერსიტეტის სტუდენტები, ვიკრიბებით 7 საათზე რუსთაველის მეტროსთან, საიდანაც გადავინაცვლებთ პარლამენტთან მსვლელობით, რათა ხელისუფლებას კვლავ დავანახოთ ახალგაზრდების ძალა.
ვიკრიბებით, რომ:
1. ვუთხრათ - არა რუსულ კანონს!
2. ვუთხრათ - არა რუსულ რეჟიმს!
3. ვუთხრათ - არა ძალადობას!
4. ვუთხრათ - კი ევროპას!ქართველი სტუდენტები/ახალგაზრდები არ დავუშვებთ საქართველოს გარუსებას, არ გაპატიებთ ჩვენს მეგობრებსა თუ ქვეყნის მოქალაქეებზე ძალადობრივი გზებით თავდასხმას!!
პასუხი ისევ ერთია - ვერ შეგვაშინებთ!" - წერენ სტუდენტები.
