შევიკრიბეთ იმისთვის, რომ "ქართულ ოცნებას" ვუთხრათ, გაიწვიონ [რუსული] კანონი | სტუდენტები მსვლელობას მართავენ
გამოქვეყნდა:
სხვადასხვა უნივერსიტეტების სტუდენტები ამ წუთებში მსვლელობას აწყობენ და პარლამენტთან მიმდინარე რუსული კანონის აქციას შეუერთდებიან. თავდაპირველად ისინი თბილისის სახელმწიფო უნივერსიტეტის შენობასთან იყვნენ შეკრებილები.
"დღეს ჩვენ შევიკრიბეთ იმისთვის, რომ დავიცვათ ჩვენი ეროვნული ინტერესები. დღეს ჩვენ შევიკრიბეთ იმისთვის, რომ "ქართულ ოცნებას" ვუთხრათ გაიწვიონ ეს კანონი. იმიტომ, რომ ეს ყველაფერი ეწინააღმდეგება ჩვენს ეროვნულ ინტერესებს , მაშასადამე ჩვენს კონსტიტუციასაც," - ამბობს ერთ-ერთი სტუდენტი.
შეგახსენებთ, რომ დღეს, საღამოს 19:00 საათზე, სტუდენტებმა დააანონსეს სტუდენტური მარშიც. მათი თქმით მოთხოვნები კვლავ უცვლელია: "არა რუსულ კანონს! არა რუსულ ოცნებას! არა რუსულ რეჟიმს! არა ყველაფერს რაც რუსულია!"
