ამ კანონის მიღებით „ქართულმა ოცნებამ“ პრაქტიკულად ქვეყანა წაგვართვა, ჩააბარა რუსეთს, ქვეყანაში გაფორმდა რუსული რეჟიმი - განაცხადა ენმ-ის პოლიტსაბჭოს თავმჯდომარემ ლევან ბეჟაშვილმა ოცნების მიერ, რუსული კანონის მიღების შემდეგ გაკეთებულ კომენტარში. მისი თქმით, საზოგადოების პროტესტი კიდევ უფრო მძაფრი იქნება, ხოლო საერთაშორისო პარტნიორების რეაქცია კიდევ უფრო ხისტი. როგორც ბეჟაშვილმა განაცხადა, მათი მოთხოვნა იქნება, მხარდამჭერი 84 დეპუტატის დასანქცირება:
„ჩვენ ხშირად ვსაუბრობდით სახელმწიფოს მიტაცებაზე, სახელმწიფო სტრუქტურების მიტაცებაზე. ამ კანონის მიღებით „ქართულმა ოცნებამ“ პრაქტიკულად ქვეყანა წაგვართვა, ჩააბარა რუსეთს, ქვეყანაში გაფორმდა რუსული რეჟიმი. ამ კანონით რუსული რეჟიმი გააფორმეს. ამიტომ საზოგადოების პროტესტი იქნება კიდევ უფრო მძლავრი, ჩვენი დასავლელი პარტნიორების რეაქცია კიდევ უფრო მკაცრი და ხისტი.
ჩვენი მოთხოვნაა, რომ ვეტოს საკითხის გადაწყვეტამდე მოხდეს 84 დეპუტატის სანქცირება, რადგან ეს ადამიანები არიან რუსული გავლენის აგენტები ამ ქვეყანაში. აბარებენ რუსეთს საქართველოს, ამიტომ ბუნებრივია ჩვენ ვერ შევეგუებით, საზოგადოების ნებისმიერ პროტესტი არის ლეგიტიმური. ამ ქვეყანაში აღარ არსებობს ლეგიტიმური სახელმწიფო ინსტიტუცია, არის პრეზიდენტი, არის საპარლამენტო ოპოზიცია, დანარჩენი სხვა ინსტიტუტები ემსახურებიან რუსულ რეჟიმს.
ერთი დღითაც არ გადადეს ამ სხდომის განხილვა და გადაწყვეტილების მიღება, რომ საზოგადოებას ინფორმაცია მაინც ჰქონოდა სახელმწიფო მდივნის მოადგილის ვიზიტის შედეგებთან დაკავშირებით და ეს კიდევ უფრო სიმპტომატური რის, რუსულმა ოცნებამ, ივანიშვილის პარტიამ საგანგებოდ, ხაზგასმით გააკეთა დღევანდელ დღეს, როცა არ მისცა ჩვენს პარტნიორებს კონსულტაციების გამართვის შესაძლებლობაც კი, ამიტომ დღეს ეს ქვეყანა კიდევ ერთხელ გაფორმდა როგორც რუსული რეჟიმის ქვეყნად, ამიტომ ჩვენ, საზოგადოებას კიდევ ერთი დამატებითი საფუძველი მოგვეცა, რომ ჩვენი პროტესტი იყოს მძლავრი, პროტესტს აქვს თავისი ლეგიტიმაცია, დღეს ხელისუფლება არალეგიტიმურია, არაკონსტიტუციურია, დაირღვა საბოლოოდ საქართველოს კონსტიტუცია, ამიტომ ომი, რომელიც გამოაცხადა ივანიშვილმა ქართველ ხალხს, დასრულდება ქართველი ხალხის გამარჯვებით.“ - განაცხადა ლევან ბეჟაშვილმა.
შეგახსენებთ, "ქართულმა ოცნებამ" დღეს მესამე მოსმენით მიიღო რუსული კანონი, რომელსაც მხარი 84-მა დეპუტატმა დაუჭირა.
