როგორ იბრძოლებენ პარტიული თუ პოლიტიკური სუბიექტები 2024 წლის საპარლამენტო არჩევნებში - ოპოზიციის შესაძლო ერთობა განხილვის ერთ-ერთ მთავარ თემად რჩება. პოლიტიკური სპექტრის ნაწილს ერთობა, მათ შორის საერთო საარჩევნო სიის გარშემო სურს, ნაწილი კი ამ ფორმულას იწუნებს და მეტიც, ფიქრობს, რომ მსგავსი გადაწყვეტილება ოპოზიციურ ფრონტს მხოლოდ დააზიანებს. აზრები იყოფა, თუმცა მთავარი მიზანი საერთოა - ყველას ივანიშვილის რეჟიმის დამარცხება სურს. ახლა მთავარია რა გზას იპოვის ოპოზიცია ამ მიზნის მისაღწევად და იქცევა თუ არა ერთობის იდეა პოლიტიკურ პლატფორმად?
