"აზერბაიჯანისა და საქართველოს ურთიერთობები ეფუძნება ჩვენი მეგობარი ხალხების ურყევ ნებასა და სულს" | ალიევის წერილი კობახიძეს
გამოქვეყნდა:
აზერბაიჯანის პრეზიდენტი ილჰამ ალიევი პრემიერმინისტრ ირაკლი კობახიძეს წერილს უგზავნის და ქართველ ხალხს დამოუკიდებლობის დღეს ულოცავს.
"ჩემი და აზერბაიჯანელი ხალხის სახელით, მეგობარი საქართველოს ეროვნულ დღესასწაულთან დამოუკიდებლობის დღესთან დაკავშირებით თქვენ და მთელ თქვენს ხალხს გულწრფელ მილოცვას გადმოვცემ. აზერბაიჯანისა და საქართველოს ურთიერთობები ეფუძნება ჩვენი მეგობარი ხალხების ურყევ ნებასა და სულს, რომლებიც საუკუნეების განმავლობაში ცხოვრობდნენ მეგობრული კეთილმეზობლობისა და ურთიერთგაგების პირობებში.
სასიხარულოა, რომ ჩვენმა სახელმწიფოთაშორისმა ურთიერთობებმა ახალი განზომილება მიიღო, რომ ურთიერთნდობასა და მხარდაჭერაზე დაფუძნებული ჩვენი პარტნიორობა წარმატებულად ვითარდება და ახალი შინაარსით მდიდრდება.
სატრანსპორტო, ენერგეტიკული და სხვა სტრატეგიული დანიშნულების ინფრასტრუქტურული პროექტები, რომლებსაც ჩვენ ერთად ვახორციელებთ, ემსახურება ჩვენი ერების ინტერესებს, მნიშვნელოვან როლს ასრულებენ უფრო ფართო რეგიონში - ევრაზიულ სივრცეში და ხსნიან ფასდაუდებელ შესაძლებლობებს.
დარწმუნებული ვარ, რომ ჩვენი ხალხის კეთილდღეობისთვის, ჩვენი რეგიონის სტაბილურობისა და უსაფრთხოებისთვის ჩვენ წარმატებულად გავაგრძელებთ ჩვენს ერთობლივ ძალისხმევას ყველა სფეროში, ქართულ-აზერბაიჯანული ურთიერთობების გაფართოების, ჩვენი ერთობლივი ინიციატივების რეალიზების, ურთიერთმომგებიანი თანამშრომლობისა და სტრატეგიული პარტნიორობის გაღრმავების მიმართულებით.
ამ დღესასწაულზე გისურვებთ ჯანმრთელობას, წარმატებას საქმეში, მშვიდობას და კეთილდღეობას მეგობარ ქართველ ხალხს," - ნათქვამია წერილში [საზოგადოებრივი მაუწყებლის თარგმანი].
