ქუთაისის 24-ე საჯარო სკოლის დირექტორს, ბუღალტერსა და საქმეთა მმართველს კორონავირუსი დაუდასტურდათ. ინფიცირების წყარო ე.წ. 32-ე სკოლის კლასტერია.
24-ე სკოლის დირექტორის, ელიზბარ ბარაბაქაძის ინფორმაციით, მისი სკოლის თანამშრომელს კონტაქტი ჰქონდა 32-ე სკოლის ბუღალტერთან, რის შედეგადაც დაინფიცირდა. პაციენტები საჩხერის სამედიცინო ცენტრში და და ქუთაისის კლინიკურ საავადმყოფოში არიან გადაყვანილები. სკოლის 45-ვე თანამშრომელი თვითიზოლაციაში იმყოფება.
შეგახსენებთ, რომ ბოლო 24 საათში, საქართველოში კორონავირუსით ინფიცირების 165 ახალი შემთხვევა გამოვლინდა, გამოჯანმრთელებულთა რაოდენობა კი უცვლელი დარჩა.
ბოლო მონაცემებით საქართველოში:
- კორონავირუსით ინფიცირებულია - 2 392;
- გამოჯანმრთელებულია - 1 369;
- მათ შორის გარდაცვლილია - 19;
- კარანტინის რეჟიმში რჩება - 5 882;
- სტაციონარში მეთვალყურეობის ქვეშ - 390, მათ შორის საქართველოში სამკურნალოდ გადმოყვანილია - 41 პაციენტი.
