საკოორდინაციო საბჭოს სხდომის დასრულების შემდეგ ეკონომიკის მინისტრმა ნათია თურნავამ თქვა, რომ ქვეყანაში სარიტუალო ღონისძიებებთან დაკავშირებული შეზღუდვები სრულად უნდა შესრულდეს.
ქორწილი წყვილის ცხოვრებაში ერთ-ერთი ყველაზე ბედნიერი დღე უნდა იყოს და არა - რომელიმე კლასტერის შექმნის ღონისძიება.
სარიტუალო ღონისძიებებთან დაკავშირებული შეზღუდვები სრულიად რაციონალურია და ახლა მოვითხოვთ, რომ პროტოკოლები იყოს მკაცრად შესრულებული, რადგან ეს თითოეული ჩვენგანის დაცვის ღონისძიებაა“, - თქვა თურნავამ.
ეპიდემიოლოგიური ვითარებიდან გამომდინარე, სარიტუალო ღონისძიებებზე 200 ადამიანზე მეტის შეკრება ღია ცისქვეშ, მთავრობის საკოორდინაციო საბჭომ 10 სექტემბრიდან აკრძალა.
