კრემლის მუქარის მიუხედავად, ფინეთის საზღვართან რუსული სამხედრო ბაზები თითქმის ცარიელია | დაზვერვა
გამოქვეყნდა:
ფინეთის საზოგადოებრივი მაუწყებლის ცნობით, ფინეთის საზღვართან რუსული ბაზები თითქმის ცარიელია, რადგან რუსეთმა პერსონალი და აღჭურვილობა ფრონტის ხაზზე, უკრაინაში გადაისროლა. მაუწყებელი ინფორმაციას დაზვერვის წყაროზე დაყრდნობით ავრცელებს.
მას შემდეგ, რაც ფინეთი ნატო-ში გაწევრიანდა, კრემლი იმუქრებოდა, რომ საზღვართან სამხედროების რაოდენობას გაზრდიდა, მაგრამ "ახლა ბაზებში იმაზე ნაკლები სამხედროა, ვიდრე ერთი წლის წინ" - აცხადებს ფინური მედია.
მათივე ცნობით, საშუალოდ, ტექნიკისა და ჯარისკაცების 80% უკრაინის წინააღმდეგ ომშია ჩართული.
მედიამ რუსული ბაზების სატელიტური სურათებიც მოიპოვა, რომლებიც, მათივე ცნობით, ამ ინფორმაციას ადასტურებს.
