პრემიერის წლიურ ანგარიშში არ არის ტატუნაშვილი-ოთხოზორიას სია და ამოღებულია დეოკუპაციის ხედვა | აქუბარდია
გამოქვეყნდა:
პრემიერმინისტრს პარლამენტში 28 ივნისს მოუსმენენ, ირაკლი კობახიძე მთავრობის ყოველწლიურ ანგარიშს პლენარულ სხდომაზე წარადგენს. პრემიერთან მწვავე კითხვები აქვს ოპოზიციას. თავდაცვის კომიტეტის წევრის თეონა აქუბარდიას კითხვები ძირითადად დეოკუპაციისა და ქვეყნის სუვერენიტეტის საკითხს შეეხება. ოპოზიციონერი დეპუტატი ამბობს, რომ ანგარიშიდან საერთოდ გამქრალია ტატუნაშვილი-ოთხოზორიას სია,ასევე ამოღებულია დეოკუპაციის ხედვის შემუშავების თემა. კობახიძეს, ასევე მოუწევს, უპასუხოს კითხვას - რა გეგმა აქვს მთავრობას მაშინ, როცა აშშ საქართველოს თავდაცვის დაფინანსებას ამცირებს.
