ჩვენთან ერთად მოიპოვეთ თავისუფლება!
ჩინელი სამხედროები ბელარუსში ერთობლივ "ანტიტერორისტულ წვრთნებში" მონაწილეობის მისაღებად ჩავიდნენ. ამის შესახებ ინფორმაციას ბელარუსის თავდაცვის სამინისტრო ავრცელებს.
"წვრთნები მიზნად ისახავს გამოცდილების გაცვლას, ბელარუსული და ჩინური დანაყოფების კოორდინაციასა და ბელარუს-ჩინეთის ურთიერთობების შემდგომი განვითარების საფუძვლის შექმნას თავდაცვის სფეროში," - ნათქვამია სამინისტროს განცხადებაში.
თავდაცვის სამინისტროს ინფორმაციითვე, "ანტიტერორისტული წვრთნები" 8-19 ივლისს გაიმართება.
ბელარუსი 4 ივლისს შეუერთდა შანხაის თანამშრომლობის ორგანიზაციას, რომელსაც როგორც დასავლეთის გავლენის ალტერნატივას - პეკინი და მოსკოვი უჭერენ მხარს.
