ტრამპმა ვიცე-პრეზიდენტობის კანდიდატად ოჰაიოს სენატორი, ჯეიმს დევიდ ვენსი დაასახელა
გამოქვეყნდა:
დონალდ ტრამპმა ვიცე-პრეზიდენტობის კანდიდატად ოჰაიოს სენატორი, ჯეიმს დევიდ ვენსი დაასახელა. ამის შესახებ მან მისივე სოციალურ ქსელში დაწერა:
„ხანგრძლივი მსჯელობისა და ფიქრის შემდეგ გადავწყვიტე, რომ ყველაზე შესაფერისი ადამიანი შეერთებული შტატების ვიცე-პრეზიდენტის თანამდებობაზე ოჰაიოს დიდი შტატის სენატორი ჯ.დ. ვენსი იქნება.
ის ღირსეულად ემსახურებოდა ჩვენს ქვეყანას საზღვაო ქვეითთა კორპუსში, დაამთავრა ოჰაიოს სახელმწიფო უნივერსიტეტი, არის იელის სამართლის სკოლის კურსდამთავრებული, სადაც იყო იელის სამართლის ჟურნალის რედაქტორი და იელის სამართლის ვეტერანთა ასოციაციის პრეზიდენტი. ჰქონდა ძალიან წარმატებული ბიზნეს კარიერა ტექნოლოგიასა და ფინანსებში და ახლა, კამპანიის დროს, მტკიცედ იქნება ორიენტირებული იმ ადამიანებზე, ვისთვისაც ასე ბრწყინვალედ იბრძოდა, ამერიკელი მუშებისა და ფერმერებისთვის პენსილვანიაში, მიჩიგანში, ვისკონსინში, ოჰაიოში, მინესოტაში და სხვაგან….“, - წერს ტრამპი.
ამ წუთებში ვისკონსინის შტატში "რესპუბლიკური პარტიის" ყრილობა მიმდინარეობს, სადაც თავად ტრამპი ოფიციალურად დასახელდება პარტიის მხრიდან, საპრეზიდენტო კანდიდატად.
