შეერთებული შტატების პოლიტიკური ელიტა ქართული ოცნების ანტიდასავლურ პროპაგანდაზე რეაგირებას ამწვავებს. სენატორი შაჰინი გადაწყვეტილებას იღებს თავდაცვის ავტორიზაციის აქტს თან დაურთოს ქართველი ხალხის აქტი. ამ გადაწყვეტილებას ფაქტობრივად უმაღლეს საკანონმდებლო დონეზე აჰყავს ქართველი ხალხის აქტის მოქმედება და სწორედ მასში არსებულ ჩანაწერებზე ხდება დამოკიდებული თუნდაც თავდაცვის სფეროში თანამშრომლობა. მომავალი წლის თავდაცვის ხარჯების დაგეგმვისას კონგრესში პოლიტიკური მსჯელობა სწორედ პოლიტიკური აქტის საფუძველზე გაიმართება.
