კრასნოდარში მოსახლეობამ ელექტროენერგიისა და წყლის მიწოდების მოთხოვნით ქუჩა გადაკეტა
გამოქვეყნდა:
კრასნოდარში რამდენიმე ასეულმა ადამიანმა გადაკეტა ქუჩა ელექტროენერგიის და წყლის რეგულარული შეწყვეტის გამო. პროტესტის მონაწილეები სკანდირებდნენ: "მომეცი სინათლე".
კრასნოდარის ოლქის ხელმძღვანელმა განაცხადა, რომ გათიშვა გამოწვეული იყო ენერგოსისტემაზე "კოლოსური დატვირთვით" არანორმალური სიცხის გამო.
სპონტანურ აქციაზე კრასნოდარის მერი ევგენი ნაუმოვი მივიდა. მან საკუთარ "ტელეგრამის" არხზე დაწერა, რომ ადგილზე დარჩებოდა ელექტროენერგიის მიწოდების აღდგენამდე.
"მიმდინარეობს სამუშაოები უბედური შემთხვევის აღმოსაფხვრელად, პარალელურად მიმდინარეობს ახალი ელექტრო კაბელის გაყვანა", - თქვა მან.
მერის და პოლიციის მისვლის შემდეგ აქციის რამდენიმე მონაწილე დააკავეს. ტელეგრამის არხის "Осторожно, новости" ცნობით, ყველა დაკავებული მოგვიანებით გაათავისუფლეს.
