სასამართლომ აქციაზე ნაცემი ქაცარავა 2 ათასი ლარით დააჯარიმა და იარაღის ტარების უფლება ჩამოერთვა
გამოქვეყნდა:
ჩვენთან ერთად მოიპოვეთ თავისუფლება!
თბილისის საქალაქო სასამართლომ აქციაზე სამართალდამცავების მიერ ნაცემი დავით ქაცარავა 2 000 ლარით დააჯარიმა.
დავით ქაცარავას წინააღმდეგ საქმე აღძრული იყო ადმინისტრაციულ სამართალდარღვევათა კოდექსის 166-ე და 173-ე მუხლებით, რაც პოლიციელისადმი დაუმორჩილებლობასა და წვრილმან ხულიგნობას გულისხმობს.
მოსამართლე კობა ჩაგუნავამ წვრილმან ხულიგნობასთან დაკავშირებით საქმის წარმოება შეწყვიტა, ხოლო ქაცარავა სამართალდამრღვევად სცნო სამართალდამცავებისთვის შეურაცხყოფისა და წინააღმდეგობის გაწევის ნაწილში.
ჯარიმის გარდა, სანქციის სახით, მას ჩამოერთვა იარაღის ტარების უფლება 2 წლის ვადით.
"როვორც მოსალოდნელი იყო, სასამართლომ მცნო დამნაშავედ 173 მუხლით, პოლიციის შეურაცხყოფა.
ჯარიმა 2000 ლარი და 2 წლით იარაღის ტარების უფლების შეზღუდვა.
დასკვნა?
სასამართლო წარმოადგენს ქოცნების ბრმა იარაღს და არ უნდა გვქონდეს ილუზია მის რამე სახით დამოუკიდებლობასთან დაკავშირებით.
26 იქტომბერს რუსული ოცნება უნდა გავუშვათ მის ორგანულ, მშობლიურ წიაღში, რუსეთში.
სხვა შემთხვევაში, ჩვენ საბოლოოდ დავკარგავთ ჩვენს სამშობლოს, რომელსაც რუსეთს საჩუქრად უმზადებს ქოცმთავრობა." წერს ქაცარავა.
დავით ქაცარავა, რომელიც რუსული კანონის წინააღმდეგ გამართულ აქციაზე დააკავეს და სცემეს, რამდენიმე დღის განმავლობაში კლინიკაში გადიოდა მკურნალობას. ის საქმეზე დაზარალებულადაა ცნობილი. იხილეთ ასევე:
