ამერიკის პრეზიდენტის ჯო ბაიდენის შეგნებულად დამახინჯებული ციტატა, ეცვა თუ არა ჯავშანჟილეტი ტრამპს და ვინ იყო მასზე თავდამსხმელი - ყალბი ამბები დონალდ ტრამპის მკვლელობის მცდელობის შესახებ.
მას შემდეგ რაც საარჩევნო შეხვედრაზე, ამერიკის 45-ე პრეზიდენტისა და რესპუბლიკელების პრეზიდენტობის კანდიდატს ესროლეს, ცრუ ინფორმაციის კასკადის გავრცელება - სოციალური ქსელით აქტიურად დაიწყო, მათ შორის საქართველოში. დეზინფორმაციას ავრცელებდნენ Facebook-ის სხვადასხვა ქართული და რუსულენოვანი მომხმარებლები, ასევე ხელისუფლების მხარდამჭერი რამდენიმე გვერდი.
მტკიცება იმაზე, რომ თითქოს ტრამპს ორი ან სამი სხვადასხვა იარაღიდან ესროლეს, ტყუილია რადგან FBI-ის ინფორმაციით, პრეზიდენტობის კანდიდატებზე თავდამსხმელი 20 წლის თომას მეთიუ კრუკსი იყო და მკვლელობის მცდელობის დროს ის მარტო მოქმედებდა.
შემოწმებულია - "მთავარი არხისა" და "მითების დეტექტორის" ერთობლივ პროექტში მოგიყვებათ რა დეზინფორმაცია გავრცელდა ტრამპის მკვლელობის მცდელობაზე ინტერნეტში.
ავტორი: ნინო ჟიჟილაშვილი.
