რუსეთში ბიძინა ივანიშვილის ქონებაზე "ქართული ოცნება" განმარტებებს აღარ აკეთებს. მმართველი პარტიის ლიდერების პირველი მწვავე რეაქცია ორგანიზებული კრიმინალისა და კორუფციის გამოძიების პროექტის ინფორმაციას მოჰყვა, რომელიც ამბობდა, რომ ოლიგარქის ოჯახს რუსეთში მილიონობით დოლარის უძრავი ქონება აქვს. მმართველმა პარტიამ მეორე დღესვე უარყო ოლიგარქის რაიმე კავშირი რუსეთთან. თუმცა ახლა "ქართული ოცნება" დუმს - გამომძიებელმა ჟურნალისტებმა განმარტეს, რომ ლაპარაკია არა ივანიშვილის, არამედ მისი მეუღლის სახელზე გაფორმებულ ქონებაზე.
