საკონსულო აღრიცხვაზე დადგომის ბოლო ვადა 7 ოქტომბერია | "კოალიცია ცვლილებისთვის" ემიგრანტებისთვის ინფორმაციას ავრცელებს
გამოქვეყნდა:
"კოალიცია ცვლილებებისთვის" ემიგრანტებისთვის ინფორმაციას ავრცელებს, სადაც ნათქვამია, რომ არჩევნებისთვის საკონსულო აღრიცხვაზე დადგომის ბოლო ვადა 7 ოქტომბერია.
"რამდენიმე დღის წინ, ერთ-ერთ ქვეყანაში, საქართველოს საელჩოს მიერ ინფორმაციის არასწორად გაცემის შედეგად, გავრცელდა მცდარი ინფორმაცია, თითქოს ემიგრანტებისთვის, არჩევნებში მონაწილეობის მიზნით, საკონსულო აღრიცხვაზე დადგომის ბოლო ვადა არის 15 აგვისტო.
რეალურად, სიტუაცია შემდეგია: საგარეო საქმეთა სამინისტრო ცესკო-ს ამომრჩეველთა სიას წელიწადში სამჯერ აწვდის, ერთ-ერთი ასეთი თარიღი კი სწორედ 15 აგვისტოა. ყველა ემიგრანტი, ვინც საკონსულო აღრიცხვაზე 15 აგვისტოდან 7 ოქტომბრამდე დადგება, საარჩევნო სიებში ასევე მოხვდება, რადგან ცესკო საარჩევნო სიის საბოლოო ფორმირებას სწორედ 7 ოქტომბერს ახდენს." ნათქვამია ინფორმაციაში.
