ესპანეთში ტყის ხანძრებს ებრძვიან - სტიქიის გამო ქვეყნის ჩრდილო-დასავლეთით, პორტუგალიის საზღვრის მახლობლად, ათასამდე ადამიანის ევაკუაცია გახდა საჭირო. ამის შესახებ ინფორმაციას ადგილობრივი მედია ავრცელებს და წერს, რომ ხანძარმა დაახლოებით 200 ჰექტარი ტყე სრულიად მოიცვა. ევაკუაციის გამო, საავტომობილო გზა რამდენიმე საათის განმავლობაში გადაკეტილი იყო. ევაკუაციის დროს 65 წლის მამაკაცი გულის შეტევით გარდაიცვალა.
ხანძრის ადგილზე ჩართული სასწრაფო დახმარების სამსახურის წარმომადგენლებმა პირველადი სამედიცინო დახმარება გაუწიეს კაცს, თუმცა პროფესიონალი ექიმების მოსვლამდე მისი გადარჩენა ვერ მოხერხდა.
ხანძარი 17 აგვისტოს კასტილიისა და ლეონის პროვინციის ზამორას მუნიციპალიტეტის ტყეში, პორტუგალიის საზღვრიდან დაახლოებით 10 კილომეტრში გაჩნდა.
