ლანჩხუთი, ოზურგეთი, ჩოხატაური | "კოალიციამ ცვლილებებისთვის" 3 ახალი ოფისი გურიაში გახსნა
გამოქვეყნდა:
სამეგრელოდან გურიაში - რეგიონის ქალაქებში, სადაც დღეს "კოალიცია ცვლილებისთვის" ოფისები გაიხსნა, მოსახლეობასთან შეხვედრაზე ერთი მთავარი ტენდენცია გამოიკვეთა. ადგილობრივი მოსახლეობა ცვლილებების მოლოდინშია და იმედი აქვს, რომ საპარლამენტო არჩევნები სწორედ ის გადამწყვეტი დღე გახდება, როდესაც ქვეყანა დაუბრუნდება დემოკრატიის რელსებს და დაიბრუნებს ევროკავშირში გაერთიანების შესაძლებლობას. ხალხისგან დაცლილი ქალაქების მოსახლეობა ხელისუფლების გულგრილობასა და უყურადღებობაზე საუბრობს და გამოსავალს სწორედ ცვლილებებში ხედავს.
