პარლამენტის საშემოდგომო სესია გაიხსნა. მეათე მოწვევის პარლამენტი პლენარულ სხდომებს სექტემბრის თვეში - ორი სასესიო კვირის ფარგლებში გამართავს.
როგორც პარლამენტის თავმჯდომარე ბიუროს სხდომაზე განაცხადა, მოახლოებული არჩევნების გათვალისწინებით, სხდომები შემჭიდროებულად გაიმართება, რითაც პარლამენტის წევრებს საარჩევნო კამპანიაში ჩართვის შესაძლებლობა ექნებათ.
პარლამენტი დაგეგმილი სესიების ფარგლებში “ამნისტიის პროექტის“, ე.წ. ლგბტ პროპაგანდის წინააღმდეგ მომზადებული საკანონმდებლო პაკეტისა და “პენიტენციურ კოდექსში“ დაგეგმილი ცვლილებების დამტკიცებას გეგმავს.
საპარლამენტო ოპოზიციის უმეტესობა პლენარულ სხდომებს ბოიკოტს უცხადებს.
