უკრაინის უმაღლეს რადაში ერთდროულად სამი მინისტრის გადადგომის შესახებ განცხადება შემოვიდა - ამის შესახებ უკრაინის პარლამენტის თავმჯდომარემ, რუსლან სტეფანჩუკმა განაცხადა.
მისი ინფორმაციით, გადადგომის შესახებ განცხადებები დაწერეს: უკრაინის სტრატეგიული მრეწველობის, იუსტიციისა და გარემოს დაცვისა და ბუნებრივი რესურსების მინისტრებმა
სტეფანჩუკის ინფორმაციითვე, გადადგომის განცხადება მიიღეს უკრაინის სახელმწიფო ქონების ფონდის თავმჯდომარისგანაც.
რადას თავმჯდომარის თქმით, ყველა განცხადება განიხილება უახლოეს პლენარულ სხდომაზე.
