ჰექტრობით მიწა აბაშაში, ბინები და ფართები თბილისის ცენტრში - რა ქონებას ფლობს ფლობს აფხაზეთის მთავრობის მომავალი თავმჯდომარე

"ქართული ოცნების" დეპუტატი ლევან მგალობლიშვილი აფხაზეთის ავტონომიური რესპუბლიკის მთავრობის თავმჯდომარე იქნება. აფხაზეთის ავტონომიური რესპუბლიკის უმაღლესმა საბჭომ მისი კანდიდატურა უკვე წარადგინა.

ლევან მგალობლიშვილი აფხაზეთში ცნობილი ოჯახიდანაა, მისი ბაბუა ბიძინა მგალობლიშვილი აფხაზეთში ცნობილი ფსიქიატრი იყო, ის 74 წლის ასაკში 1993 წელს სოხუმის დაცემის შემდეგ დახვრიტეს.

თავად ლევან მგალობლიშვილი 1977 წელს სოხუმშია დაბადებული. ის ერთ-ერთია იმ დეპუტატთაან, რომელმაც რუსულ კანონს დაუჭირა მხარი. 

რა ქონებას ფლობს დევნილობაში მყოფი მთავრობის მომავალი ხელმძღვანელი:

ლევან მგალობლიშვილს დეკლარაცია 2023 წლის დეკემბერში აქვს ჩაბარებული. დეკლარაციის თანახმად მგალობლიშვილი ფლობს მიწის ნაკვეთებს და უძრავ ქონებას აბაშაში, სამტრედიასა და თბილისში. კერძოდ:

აბაშის მუნიციპალიტეტი სოფელი მარანი (დაახლოებით 4 ჰექტარი)

• 2502კვ.მ - შეძენილია 2022 წელს 600$
• 3500 კვ.მ - შეძენილია 2021 წელს 2500$
• 5400 კვ.მ - შეძენილია 2021 წელს 3000$
• 5669 კვ.მ - შეძენილია 2018 წელს 2000ლ
• 23781 კვ.მ - შეძენილია 2017 წელს 3000ლ

ქალაქი სამტრედია. პეტრე იბერის ქუჩა #1

• 15246 კვ.მ - შეძენილია 2022 წელს 524600ლ

თბილისი. ზვიად გამსახურდიას სანაპირო #106
 

• 787 კვ.მ - შეძენილია 2020 წელს 50 000 ლ (787 კვ მეტრიდან 60კვ.მ გასხვისებულია შპს "ლევანიტაზე". დარჩენილი 727 კვმ-ს 50% ფლობს ლევან მგალობლიშვილი. შპს შპს "ლევანიტას" 100%-ის მფლობელი თავად მგალობლიშვილია, თუმცა ამჯერად მის წილს ნინო ბანძელაძე მართავს.) აღნიშნულ ტერიტორიაზე განთავსებულია ბენზინგასამართი სადგური.

თბილისი გიორგი ახვლედიანის #13

• 75.23კვ.მ ბინა - ჩუქება 2017 წელს.
• 13.30კვ.მ სარდაფი - შეძენილია 2022 წელს 20000$
• 82.88 კვ.მ ფართი N1 - მიღებული აქვს განჩინებით 2012 წელს.
• 42 კვ.მ ფართი - შეძენილია 2019 წელს 50 000$
• 20კვ.მ სარდაფი - პრივატიზება 0ლ
• 133 კვ.მ ბინა - შეძენილია 2023 წელს.

მგალობლიშვუილი მფლობელი და მეწილეა რამდენიმე კომპანიის
შპს მარშალ ქონსთრაქშენი -100%
შპს საინვესტიციო ჯგუფი თლ - 50%
შპს ლევანიტა - 100%
შპს ლაგუნა - 50%
შპს მარშალ დეველოპმენტი 100%
შპს მარშალ დიდი დიღომი 100%
შპს მარშალ დეველოპმენტი ვერა 100%
შპს ჩემი სახლი გუდაურში 100%

2022 წელს პარლამენტში გასამრჯელოს სახით მიღებული აქვს 49304 ლარი, მიწის იჯარით კი 207822$.

რაც შეეხება იმას, თუ რას საქმიანობდა მგალობლიშვილი წინა ხელისუფლების დროს, პარლამენტის ვებგვერდზე გამოქვეყნებული ინფორმაციის თანახმად, ის "ნაციონალური მოძრაობის" დროსაც მაღალ თანამდებობებზე მუშაობდა, კერძოდ:

2004-2005 წლებში იყო თბილისის საკრებულოსა და მთავროპის აპარატი, კონტროლის სამსახურის უფროსი, 2005-2006 წლებში იყო თბილისის მერიის დაქვემდებარებაში არსებული კომპანია, შპს "შუქნიშნების" დირექტორი, 2008-2009 წლებში მუშაობდა სახელმწიფო კომპანია შპს გამომცემლობა "სამშობლოში".

ავტორი: ნინო ზედგენიძე