ირაკლი ეძგვერაძეზე თავდასხმა და მისი დაკავება კიდევ ერთხელ ამტკიცებს, რამდენად სუსტი და შეშინებულია თვითგამოცხადებული დიქტატორის რეჟიმი | მიხეილ სააკაშვილი
გამოქვეყნდა:
საქართველოს მესამე პრეზიდენტი ენმ-ის დეპუტატზე თავდასხმას ეხმაურება და წერს, რომ მომხდარი ამტკიცებს, რამდენად შეშინებულია "ოცნების" ხელისუფლება.
ფეისბუქზე გავრცელებულ განცხადებაში, მიხეილ სააკაშვილი "ოცნების" დეპუტატ მათიკაშვილისთვის, მოქალაქის მხრიდან გამოთქმულ მოსაზრებასა და დეპუტატის პასუხსაც აფასებს და წერს:
"ჩვენს დეპუტატზე, უმაგრეს ირაკლი ეძგვერაძეზე თავდასხმა და მისი დაკავება კიდევ ერთხელ ამტკიცებს, რამდენად სუსტი და შეშინებულია თვითგამოცხადებული დიქტატორის რეჟიმი.
ამასობაში ერთ-ერთი ქოცი გულანთებულ პატრიოტ მოქალაქეს, რომელსაც სიმართლე უთხრა პირში, "მიშას მონას" ეძახის.
ის კი არ იცის ამ ბრიყვმა, რომ არაფერი ისე არ მეზიზღება, როგორც მონები. მე ყოველთვის ვეძებდი და ვახალისებდი ძლიერ პიროვნებებს თავისი დამოუკიდებელი აზრით, იმიტომ, რომ ახალი ქვეყნის მშენებლობა მხოლოდ ასეთებს შეუძლიათ, ხოლო მონას შეუძლია მხოლოდ ნგრევა და ქვეყნის მოსპობა, ამიტომ ეზიზღება ჭორვილელს თავისუფალი ადამიანები და გარშემო მხოლოდ კარიკატურები შემოიკრიბა.
ესენი თავისუფალ ადამიანებთან 26-ში აუცილებლად მწარედ დამარცხდებიან!" ნათქვამია მიხეილ სააკაშვილის განცხადებაში.
