ჩვენთან ერთად მოიპოვეთ თავისუფლება!
დასავლეთ ერაყში ამერიკის სამხედრო იერიშის შედეგად გასულ თვეში ISIS-ის 4 ლიდერი დაიღუპა. დაღუპულებს შორის არის მათი მთავარი ლიდერი და ასევე განადგურებულია მთავარი ბომბდამშენი, რომლისთვისაც შეერთებულმა შტატებმა 5 მილიონი დოლარის ჯილდო დააწესა.
ამის შესახებ ინფორმაციას ABC NEWS ავრცელებს. შემთხვევა, ერთ-ერთი რეიდის დროს მოხდა და 7 ამერიკელი სამხედრო დაშავდა.
დაღუპულ ლიდერებს შორის არიან, ერაყში მიმდინარე ყველა ოპერაციაზე პასუხისმგებელი პირები.
გავრცელებული ინფორმაციით, რეიდის დროს ISIS-ის ზოგიერთი მებრძოლი ყუმბარებით იყო შეიარაღებული და ზოგიერთ მათგანს ასაფეთქებელი ქამრებიც ეკეთა.
შეერთებული შტატების სარდლობის განცხადებით, ISIS-ის ამ ლიდერებს ევალებოდათ, ერაყელ მშვიდობიან მოსახლეობაზე თავდასხმების ორგანიზება. ასევე ისინი იყვნენ პასუხისმგებელნი, იერიში მიეტანათ აშშ-ს მოქალაქეებზე, მათ მოკავშირეებზე და პარტნიორებზე, როგორც რეგიონში ასევე მის ფარგლებს გარეთაც.
