ევროპის ცენტრალურ და აღმოსავლეთ ნაწილში წყალდიდობის მსხვერპლთა რაოდენობა 16-მდე გაიზარდა.
პოლონეთში გადაუღებელი წვიმის შედეგად სტიქიას ხუთი ადამიანი ემსხვერპლა. წყალდიდობამ განსაკუთრებით ქვეყნის სამხრეთ-დასავლეთი რაიონები დააზარალა.
ერთი ქალი დაიხრჩო ჩეხეთის ჩრდილო-აღმოსავლეთში, სადაც გასული კვირიდან რეკორდული რაოდენობის ნალექი მოვიდა. დაკარგულია შვიდი ადამიანი.
წყალდიდობის შედეგად, სულ მცირე, სამი ადამიანი დაიღუპა ავსტრიაში, რუმინეთში კი შვიდი.