ჩვენთან ერთად მოიპოვეთ თავისუფლება!
სენეგალის სანაპიროსთან სულ მცირე 30 გახრწნილი ცხედარი იპოვეს. სამხედრო საზღვაო ძალებს აცნობეს ნავის შესახებ, რომელიც დედაქალაქ დაკარიდან დაახლოებით 70 კილომეტრში ცურავდა, - ამის შესახებ უწყება ინფორმაციას X-ზე აქვეყნებს.
"ცხედრების იდენტიფიცირება დელიკატურად მიმდინარეობს მათი მდგომარეობის გამო", - ნათქვამია განცხადებაში.
მათივე ვარაუდით, იმის გათვალისწინებით, თუ რამდენად გახრწნილია გვამები, გარდაცვლილები ატლანტის ოკეანეში საკმაოდ დიდხანს იმყოფებოდნენ. ისინი მეთევზეებმა იპოვეს.
BBC-ი წერს, რომ ბოლო დროს, გაიზარდა მიგრანტების რაოდენობა, რომლებიც სენეგალიდან ესპანეთის კანარის კუნძულებზე ატლანტის ოკეანით იპარებიან.
