ინფექციური საავადმყოფოს ინფეცქიური პათოლოგიებისა და შიდსის ცენტრის ბოქსირებული განყოფილების უფროსის, მარინა ენდელაძის თქმით, კორონავირუსის 218 ახალი შემთხვევიდან 137 - აჭარიდანაა, 47 - თბილისიდან, 26 - იმერეთიდან, 6 - სამეგრელო - ზემო სვანეთიდან, 2 კი გურიიდან.
შეგახსენებთ, რომ ბოლო 24 საათში, საქართველოში კორონავირუსით ინფიცირების 218 ახალი შემთხვევა დადასტურდა, გამოჯანმრთელდა 80 ადამიანი, გარდაიცვალა - 2.
2 გარდაცვლილი პაციენტიდან ერთი - ქუთაისში, მეორე - ბათუმში მკურნალობდა. ეს პირველი შემთხვევაა, როდესაც 1 დღეში 2 ინფიცირებული გარდაიცვალა.
ბოლო მონაცემებით საქართველოში:
- კორონავირუსით ინფიცირებულია - 3 913;
- გამოჯანმრთელებულია - 1 574;
- მათ შორის გარდაცვლილია - 22;
- კარანტინის რეჟიმში რჩება - 4 988;
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
მსოფლიოში კორონავირუსით ინფიცირებულთა რაოდენობამ 31 მილიონს გადააჭარბა. მათგან გარდაიცვალა 900 000-ზე მეტი ადამიანი, ხოლო გამოჯანმრთელდა თითქმის 24 მილიონი.
