26 ინფიცირებული იმერეთში - COVID 19 ოქროს ბირჟაზე, მაღაზიასა და საირმის სასტუმროში დაფიქსირდა
გამოქვეყნდა:
იმერეთში კორონავირუსის 26 შემთხვევა დაფიქსირდა. იმერეთის გუბერნატორის, ზვიად შალამბერიძის ინფორმაციით, შემთხვევები, როგორც ცნობილ, ასევე ახალ კლასტერებს უკავშირდება.
რამდენიმე პაციენტი ოქროს ბირჟიდან, არის, რამდენიმე მაღაზიის თანამშრომელს დაუფიქსირდა, ასევე კორონავირუსი დაუდასტურდა საირმეში სასტუმროში მყოფ რამდენიმე პირს.
გუბერნატორის თქმით, კერა ლოკალიზებულია და დამსვენებლები კარანტინში არიან გადაყვანილი. გუშინ 832 ნიმუში შემოწმდა. ზვიად შალამბერიძის თქმით, ამ დროისთვის იმერეთში მდგომარეობა კონტროლირებადია. კლინიკებში 270-მდე პაციენტია.
საქართველოში დღეს კორონავირუსის რეკორდული - 218 ახალი შემთხვევა დადასტურდა. გარდაიცვალა 2 პაციენტი
