რუსეთში დამოუკიდებელი მედია DOXA-ს ყოფილ რედაქტორს დაუსწრებლად 7 წლით პატიმრობა მიუსაჯეს

გამოქვეყნდა:

მოსკოვის სასამართლომ, ტერორიზმის გამართლების ბრალდებით, DOXA-ს ყოფილ რედაქტორ მარია მენშიკოვას დაუსწრებლად შვიდი წლით თავისუფლების აღკვეთა მიუსაჯა.

მენშიკოვა გაასამართლეს 2022 წელს სოციალურ პლატფორმა Vkontakte-ში დაწერილი ორი პოსტისთვის. თითოეული პოსტისთვის მენშიკოვას 3.5 წელი, ჯამში კი 7 წლით პატიმრობა მიესაჯა. პოსტებში ჟურნალისტი საზოგადოებას სთავაზობდა წერილი მიეწერათ პოლიტპატიმრებისთვის - სამი მათგანი სამხედრო კომისარიატებისთვის ცეცხლის წაკიდებაში იყო მსჯავრდებული, სამი კი ბელარუსის ერთ-ერთ ქალაქში რკინიგზის სადგურის კაბინეტისთვის ცეცხლის წაკიდებაში.

მენშიკოვა ამჟამად რუსეთში არ ცხოვრობს. იანვარში დამოუკიდებელი მედიასაშუალება DOXA "არასასურველ ორგანიზაციად" დასახელდა.

მთავარი 21:00
უყურეთ ბოლო გამოშვებას

იხილეთ ჩვენს ეთერში

დღის მთავარი