"კოალიცია ცვლილებისთვის" დღეს პირველ ყრილობას გამართავს და ოფიციალურად წარადგენს საარჩევნო სიის ოცეულს
გამოქვეყნდა:
"კოალიცია ცვლილებისთვის" დღეს პირველ ყრილობას გამართავს. პოლიტიკური გაერთიანება საზოგადოებას ოფიციალურად წარუდგენს საარჩევნო სიის ოცეულს, გაჟღერდება სამოქმედო გეგმაც.
ეს იქნება პირველი მასშტაბური შეკრება მას შემდეგ, რაც პარტიები "ახალი", "გირჩი- მეტი თავისუფლება" და "დროა" გაერთიანდნენ და 26 ოქტომბრის საპარლამენტო არჩევნებში "კოალიცია ცვლილებისთვის" სახელითა და 4 ნომრით წარდგებიან.
კოალიციის საარჩევნო სიის პირველი ნომერი ნონა მალაშხიაა, ერთ-ერთი ლიდერი ნიკა გვარამია კი მისივე გადაწყვეტილებით, საპარლამენტო სიაში არ არის.
ღონისძიება საღამოს 20 საათზე, რუსთავის შესასვლელში, ავტოდრომის ტერიტორიაზე გაიმართება.
იხილეთ:
