ქართული ოცნებიდან რუსულ ოცნებამდე | ოლიგარქის 12-წლიანი მმართველობა საქართველოში
გამოქვეყნდა:
დემოკრატიით ევროპის გაოცებიდან ევროპის გაოგნებამდე. 12-წლიანი მმართველობის ბოლოს "ქართული ოცნების" ხელისუფლებამ ყველა წითელი ხაზი გადაკვეთა და ჩამოყალიბდა ოლიგაქრიულ რეჟიმად, რომელიც მისაღები მხოლოდ აგრესორი კრემლისთვის არის. "ქართული ოცნების" ანტიდემოკრატიული და ანტიდასავლური პოლიტიკის დამსახურებით შეჩერებულია საქართველოს ევროინტეგრაცია, ჩიხშია შესული ურთიერთობა მთავარ პარტნიორთან და ქვეყნის მთავრობა კრემლის მოკავშირე ხდება.
საიუბილეო წერილში ქვეყნის ერთპიროვნული მმართველი ისევ ანგარიშსწორებით იმუქრება და ერთადერთი დაპირება, რომელსაც ის ქართველ ხალხს აძლევს, მტერთან ბოდიშის მოხდა და მარიონეტულ რეჟიმებთან პირისპირ დიალოგია.
