რუსული კანონის წინააღმდეგ სარჩელის განხილვა 1 თვის წინ დასრულდა | საკონსტიტუციოს პლენუმი ისევ დუმს
გამოქვეყნდა:
ჩვენთან ერთად მოიპოვეთ თავისუფლება!
რატომ აგვიანებს გადაწყვეტილების გამოცხადებას საკონსტიტუციო სასამართლო? - რუსული კანონის წინააღმდეგ სარჩელის განხილვა განმწესრიგებელ სხდომაზე 1 თვის წინ დასრულდა, თუმცა პლენუმი ჯერ ისევ დუმს.
რუსული კანონის მიხედვით, შესაბამის რეესტრში დაურეგისტრირებელი სუბიექტების დაჯარიმების პროცესი 3 ოქტომბრიდან უნდა დაიწყოს, სწორედ ამიტომ მოსარჩელეები ეჭვობენ, რომ საკონსტიტუციო სასამართლო ხელისუფლებასთან შეთანხმებით მოქმედებს და სავარაუდოდ გადაწყვეტილების გამოცხადებასაც მიზანმიმართულად აგვიანებს.
რუსული კანონის წინააღმდეგ საკონსტიტუციოში 4 სარჩელი შევიდა. ავტორები საქართველოს პრეზიდენტი, 100-ზე მეტი არასამთავრობო ორგანიზაცია, საპარლამენტო ოპოზიცია და კრიტიკული მედია არიან და ითხოვენ, გაუქმდეს კანონი, საბოლოო გადაწყვეტილებამდე კი სადავო ნორმის მოქმედება შეჩერდეს.
საკონსტიტუციო სასამართლოს განმწესრიგებელი სხდომები 3 დღე მიმდინარეობდა - გადაწყვეტილების მისაღებად სულ მცირე, ხუთი ხმა არის საჭირო - თუ მოსამართლეთა ხმები თანაბრად გაიყო, კონსტიტუციური სარჩელი არ დაკმაყოფილდება.
სასამართლო გადაწყვეტილების მისაღებად 1-ელ სექტემბერს გავიდა. გადაწყვეტილების გამოქვეყნების ვადა გაწერილი არ არის.
