ბაიდენი ქარიშხლით დაზარალებულ ჩრდ. კაროლინაში ჩადის | სტიქიას სულ მცირე 160 ადამიანი ემსხვერპლა
გამოქვეყნდა:
ჩვენთან ერთად მოიპოვეთ თავისუფლება!
მეოთხე კატეგორიის ქარიშხალს, რომელიც გასულ კვირას თავს ფლორიდის, ჯორჯიის, სამხრეთ და ჩრდილოეთ კაროლინის, ვირჯინიისა და ტენესის შტატებს დაატყდა, 160-ზე მეტი ადამიანი ემსხვერპლა. დაზიანდა ინფრასტრუქტურაც, დაიტბორა ქუჩები და შენობა-ნაგებობები.
დღეს, შეერთებული შტატების პრეზიდენტი სტიქიით დაზარალებულ ჩრდილოეთ კაროლინას ეწვევა. ჯო ბაიდენს სურს ადგილზე გაეცნოს შექმნილ ვითარებას და შეისწავლოს შტატში დამანგრეველი ქარიშხლის შედეგები.
ასობით ადამიანი ამ ეტაპზე დაკარგულად მიიჩნევა. მაშველები 24 საათის განმავლობაში მუშაობენ, ეძებენ დაკარგულებს, წმენდენ გზებს, მოსახლეობას აწვდიან საკვებსა და პირველადი საჭიროების ნივთებს
