უკრაინას სჭირდება სამართლიანი მშვიდობა, სუვერენიტეტით და ტერიტორიებით ვაჭრობის გარეშე | ზელენსკი
გამოქვეყნდა:
"საიმედო მშვიდობა უკრაინაში, მხოლოდ საერთაშორისო სამართლის საფუძველზეა შესაძლებელი, სუვერენიტეტით ან ტერიტორიებით ვაჭრობის გარეშე" – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიური მიმართვისას განაცხადა.
ზელენსკის განცხადებით, ი რაც გამარჯვების გეგმაშია ჩაწერილი, სრულიად რეალურია უკრაინის პარტნიორებისთვის.
„მსოფლიოში არსებობს რესურსი, რომელიც საშუალებას მოგვცემს წინ წავიწიოთ „მშვიდობის ფორმულის“ მიხედვით. სწორედ ეს არის ჩვენი მიზანი, ჩვენი ამოცანა – უკრაინისთვის საიმედო მშვიდობისა და გრძელვადიანი უსაფრთხოების გარანტირება. ეს შესაძლებელია მხოლოდ საერთაშორისო სამართლის საფუძველზე, სუვერენიტეტით ან ტერიტორიებით ვაჭრობის გარეშე – სწორედ ისე, როგორც ეს „მშვიდობის ფორმულაშია“ გათვალისწინებული. უკრაინას სჭირდება ნამდვილი, სამართლიანი მშვიდობა. ეს შესაძლებელი იქნება მხოლოდ მაშინ, როცა ჩვენი ხალხიც და ჩვენი პარტნიორებიც ნამდვილად გაერთიანებულები იქნებიან. სწორედ ამისთვის ვმუშაობთ“,- ამბობს ზელენსკი.
ზელენსკიმ დასძინა, რომ გრძელდება უკრაინისა და აშშ-ის, ასევე სხვა პარტნიორების მუშაობა „რამშტაინის“ ფორმატის შეხვედრის მოსამზადებლად.
