ევროპარლამენტმა საქართველოს შესახებ რეზოლუცია შეიმუშავა, რომელსაც კენჭს ხვალ უყრიან | ევროდეპუტატების გზავნილები სტრასბურგიდან

ევროპარლამენტმა საქართველოს შესახებ რეზოლუციის საბოლოო პროექტი შეიმუშავა, რომელსაც ევროდეპუტატები კენჭს ხვალ, 9 ოქტომბერს, უყრიან. 25-პუნქტიან დოკუმენტში ნათქვამია, რომ თუ საქართველოს მოქმედი ხელისუფლება ამჟამინდელ კურსს არ შეცვლის, სავარაუდოდ, ევროკავშირის საქართველოსთან თანამშრომლობა ვიზალიბერალიზაციისა და კანდიდატის სტატუსთან მიმართებით, შეიცვლება. 

რეზოლუციაში შესულია ოლიგარქი ბიძინა ივანიშვილის პერსონალური სანქცირების საკითხი და წერია, რომ ევროპარლამენტარები გმობენ ბიძინა ივანიშვილის პირად როლს "მიმდინარე პოლიტიკურ კრიზისსა და ევროატლანტიკური ორიენტაციისთვის ძირის გამოთხრისა და ქვეყნის რუსეთისკენ მიბრუნების მორიგ მცდელობაში". 

ასევე, ევროპარლამენტარები მოუწოდებენ ევროპულ საბჭოსა და EU-ის დემოკრატიულ პარტნიორებს, დაუწესოს დაუყოვნებლივი და მიზანმიმართული პერსონალურ სანქციები ბიძინა ივანიშვილს "საქართველოში პოლიტიკური პროცესის გაუარესებაში მისი როლის გამო".

რეზოლუციის ტექსტში საუბარია საქართველოს მესამე პრეზიდენტის, მიხეილ სააკაშვილის შესახებაც და ნათქვამია, რომ ის ჰუმანიტარული მიზნით, საზღვარგარეთ სამკურნალოდ გადასაყვანად უნდა გათავისუფლდეს.

პარალელურად, ევროპარლამენტში დღეს საქართველოს შესახებ მოსმენა გაიმართა - იხილეთ თათია წოწონავას რეპორტაჟი