ფლორიდის შტატში "მილტონს" ებრძვიან | ქარიშხალს, სულ მცირე, ცხრა ადამიანი ემსხვერპლა
გამოქვეყნდა:
ფლორიდის შტატში, ქარიშხალ "მილტონს" ებრძვიან. სტიქიას, სულ მცირე, ცხრა ადამიანი ემსხვერპლა.
ქარიშხალი "მილტონი" ამ დროისთვის პირველ კატეგორიამდე შესუსტდა და ქარის სიჩქარე 150 კმ/სთ-მდე დაეცა.
ქარიშხალი აშშ-ის ფლორიდის შტატს გუშინ დაატყდა თავს. თავდაპირველად მას მეხუთე კატეგორია ჰქონდა მინიჭებული. ქარიშხლის სიჩქარე 250 კმ/სთ-ს აღწევდა.
სტიქიის გამო შტატიდან მილიონობით ადამიანია ევაკუირებული. 2.6 მილიონზე მეტი სახლი და ბიზნესდაწესებულება ელექტროენერგიის გარეშეა დარჩენილი.
