საფრანგეთის სამხრეთში მოსულმა ძლიერმა წვიმამ რამდენიმე რეგიონში წყალდიდობა გამოიწვია | საჭირო გახდა მოსახლეობის ევაკუაციაც
გამოქვეყნდა:
საფრანგეთის სამხრეთში მოსულმა ძლიერმა წვიმამ რამდენიმე რეგიონში წყალდიდობა გამოიწვია. რთული ვითარება შეიქმნა არდეშის ხეობაში, სადაც, მდინარის ადიდების გამო, ქალაქ ანონეს ცენტრი დაიტბორა.
ადგილობრივი მედიის ინფორმაციით, სენ-სირ-სიურ-ლუარი რეგიონში რამდენიმე მთავარი მაგისტრალი დაიკეტა, ალპ-მარიტიმის გზა კი დიდი მეწყრის ჩამოწოლის გამო ჩაკეტილია.
გავრცელებული ინფორმაციით, ლიონის მახლობლად მდებარე ჟივორიდან 180-მდე ადამიანის ევაკუაცია განხორციელდა.
ლუარის ხელისუფლებამ, სოციალურ ქსელის საშუალებით, განგაშის „წითელი დონე“ გამოაცხადა. დაღუპულებისა და დაშავებულების შესახებ ინფორმაცია არ გავრცელებულა და ჯერჯერობით უცნობია, რა ზარალი მიადგა ქვეყანას წყალდიდობის შედეგად.
