"სინგაპურის სასამართლოს შემდეგ მყისიერად, წინა კვირაში უკვე დავურეკე აშშ-ის ელჩს, გვქონდა კომუნიკაცია და ვთხოვე შეხვედრა - არჩევნების შემდგომ ვაპირებთ შეხვედრას" | ოლიგარქი ივანიშვილი
გამოქვეყნდა:
"სინგაპურის სასამართლოს შემდეგ მყისიერად, წინა კვირაში უკვე დავურეკე აშშ-ის ელჩს, გვქონდა კომუნიკაცია და ვთხოვე შეხვედრა - არჩევნების შემდგომ ვაპირებთ შეხვედრას", - ამის შესახებ ოლიგარქი ივანიშვილი TV იმედის ეთერში საუბრობს.
„ჩვენ არ გვქონია ომამდე პრობლემები. ვფიქრობ და იმედი მაქვს, რომ ომი რამდენიმე თვეში, შეიძლება ამ წლის ბოლოსაც დასრულდეს. როდესაც სინგაპურში სასამართლო მოვიგეთ და ამის აღსრულებას ხელი ვეღარ შეუშალა "კრედიტ სუისმა", მე მყისიერად, წინა კვირაში უკვე დავურეკე ამერიკის ელჩს, გვქონდა კომუნიკაცია და ვთხოვე შეხვედრა და ვთქვი, რომ ის მიზეზები, რაც იყო რეალურად თავისით გადაწყდა, შესაბამისად ჩემგან პრობლემა აღარ არის და მე მზად ვარ შესახვედრად.
იქიდანაც რეაქცია იყო ძალიან ჯანსაღი, ამის სურვილი არსებობს და ჩვენ არჩევნების შემდგომ ვაპირებთ შეხვედრას, უკვე მოვილაპარაკეთ ამაზე. მე მაქვს იმედი იმის, რომ არა ერთი შეხვედრით და არა მყისიერად, მაგრამ დროში ჩვენ მცდელობას არ დავაკლებთ, მაგრამ ორმხრივი უნდა იყოს სურვილი. იმედი მაქვს, რომ ყველაფერი უნდა განვიხილოთ დინამიკაში. არჩევნები ამერიკაშიც დასასრულებელია, ევროპაშიც ახლა დასრულდა და ლაგდება, ბოლომდე არ დალაგებულა კიდევ ბიუროკრატია, იმედია, თანხვედრაში იქნება ომის დასრულება და ომის დასრულების შემდგომ სიტუაცია მგონი დაუბრუნდება პირვანდელს“, - თქვა ოლიგარქმა.
