აშშ რუსეთის წინააღმდეგ ახალ სანქციებს დააწესებს | აშშ-ს სახაზინო დეპარტამენტის მდივანი
გამოქვეყნდა:
აშშ რუსეთის წინააღმდეგ ახალ, ძლიერ, სანქციებს დააწესებს, რომლის მიზანიც უკრაინაში რუსეთის ომის ძალისხმევის შეზღუდვა იქნება. ამის შესახებ აშშ-ს სახაზინო დეპარტამენტის მდივანმა, ჯანეტ იელენმა საერთაშორისო მონეტარული ფონდისა და მსოფლიო ბანკის შეხვედრაზე ისაუბრა.
მისი თქმით, სანქციები დაწესდება, მათ შორის, მესამე ქვეყნებში მოქმედი შუამავლების წინააღმდეგ, რომლებიც რუსეთს სამხედრო საჭიროებებისთვის კრიტიკულ რესურსებს აწვდიან.
"სახაზინო დეპარტამენტი დაუღალავად მუშაობს გაყინული რუსული სუვერენული აქტივების ეკონომიკური ღირებულებების განბლოკვაზე და ამ აქტივების გამოყენებით უკრაინის დახმარებაზე", - განაცხადა იელენმა საერთაშორისო სავალუტო ფონდისა და მსოფლიო ბანკის ყოველწლიური შეხვედრების დაწყებისას პრესკონფერენციაზე.
